弹棉花

早晚有啲秋凉，阿妈将柜顶啲棉被搬落来准备“翻新”。所谓“翻新”，就系揾人将棉被里边嘅棉花弹松。话时话，以前一入秋，屋企附近就会有两三间铺头专门做弹棉花嘅生意，唔知点解今年唔见。想弹棉花，唔通真系要去到华贵路？

有时谂下，如果可以将以前喺街头巷尾做各种手工嘅商贩揾齐，“召集”到街坊嘅“10分钟生活圈”里边，有好多生活难题都可以即刻解决。而且，佢仲系一幅绝好嘅老广风情画添。

到底呢幅画里边，要有咩人物出现呢？

第 一时间谂到嘅，系一边推住部单车穿街过巷，一边抑扬顿挫咁嗌“卖烂嘢”嘅“收买佬”；有“收买佬”，*好都有埋帮我哋“铲刀磨铰剪”嘅师傅。以前物资短 缺，铰剪同刀用得耐会磨蚀但又唔可以想换就换，所以呢位师傅系帮主妇“悭家”嘅好帮手；出门想扮靓靓，师奶们不妨先拉面毛，又白又滑。之前上九路骑楼底有 十几档拉面毛档，不过依家都经已全部销声匿迹；至于阿妈急需嘅弹棉花铺更加唔可以冇，得闲仲可以喺旁边监工，唔怕“黑心棉”。

咁样一幅市井风情画，细个嘅时候经常见，不过依家就*多攞嚟“怀旧”，想佢哋重现？冇可能喇。帮人弹棉花打棉被嘅师傅，依家亦都越来少越少，以后都唔知揾边个弹棉花咯。